უმაღლესი საარჩევნო კომისიის ინსტიტუციური განვითარებისა და საზოგადოებასთან ურთიერთობის დეპარტამენტმა უსკოს წარმომადგენლებთან ერთად მუშაობა დაიწყო უსკოს 2020–2024 წლების სტრატეგიული განვითარების გეგმაზე. ამ მიზნით უმაღლეს საარჩევნო კომისიაში შეიქმნა სამუშაო ჯგუფი, რომლის შემადგენლობაშიც უსკოს წევრები და აპარატის თანამშრომლები შევიდნენ.
სამუშაო ჯგუფის შეხვედრაზე უსკოს მდივანმა, სოფიო კახაძემ წარმოადგინა სტრატეგიული განვითარების გეგმის პროექტი. უსკო მიიჩნევს, რომ სტრატეგიული განვითარების დაგეგმვის სამუშაო პროცესებში ძალიან მნიშვნელოვანია საარჩევნო ადმინისტრაციის ჩართულობა და საჯაროობა, შემდგომ მისი ეფექტური და წარმატებული გამოყენებისათვის.
